Згуртавала мастацтва. У раённым Цэнтры культуры адбыўся канцэрт, прысвечаны Дню адзінства

Перад пачаткам канцэрта ў фае ладзілася выстава “Гісторыя майго краю”, святочны настрой гледачам ствараў народны струнны ансамбль “Кантрасты”.

З прывітальным словам да прысутных звярнуўся старшыня раённага Савета дэпутатаў Сяргей Кудзеньчук. “Нашаму пакаленню ёсць што перадаць моладзі, - зазначыў Сяргей Мікалаевіч. - Нашу квітнеючую, моцную і незалежную Радзіму, у якой нашы дзеці і ўнукі будуць захавальнікамі і носьбітамі культуры нашай нацыі. Давайце разам будзем рабіць нашу дзяржаву яшчэ лепшай, багацейшай, мацнейшай”.